ShQO taýlarynda 5 ret jarylys jasalyp, 11 myń tekshe metr qar túsirildi
23:31, 12 Naýryz 2024
<p>ÓSKEMEN. KAZINFORM – Shyǵys Qazaqstan oblysynyń taýlarynda 5 ret jarylys jasalyp, 11 myń tekshe metr qar túsirildi.</p>
ShQO Tótenshe jaǵdaılar departamenti baspasóz qyzmetiniń málimetine súıensek, óńirde kún kúrt jylyp ketýine baılanysty taýly jerlerde qar kóshkini júrý qaýpi artyp otyr.
«Osyǵan oraı «Qazseldenqorǵaý» mekemesi ShQ fılıalynyń mamandary profılaktıkalyq kóshkin túsirý jumystaryn júrgizdi. Óskemen-Altaı» tasjolynyń ýchaskesinde 5 ret jarylys jasaldy. Sonyń nátıjesinde, 11000 tekshe metr qar tústi. Kóshkin joldy tolyǵymen jaýyp qaldy, - delingen aqparatta.
Kóp uzamaı joldaǵy qar tazartylyp, kólik qatynasy qaıta jalǵasty.
Aıta keteıik, oblys boıynsha kólik joldary men eldi mekenderge qar kóshkini qaýpin tóndiretin 325 ýchaske bar.