ShQO sýbektilerine 31 mln teńgeden astam aıyppul salyndy
Baspasóz qyzmetiniń málimetterine qaraǵanda, tabıǵı monopolııalar týraly zańnamasynyń normalaryna sáıkes, tabıǵı monopolııalar sýbektileriniń bekitilgen tarıftik smetany jáne bekitilgen ınvestıtsııalyq baǵdarlamanyń is-sharalaryn oryndaý mindetteri kózdelgen.
Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıtetiniń Shyǵys-Qazaqstan oblysy boıynsha departamenti 2021 jylǵy tarıftik smetalar men ınvestıtsııalyq baǵdarlamalardyń oryndalýy týraly esepke taldaý júrgizdi.
Osylaısha, oblystyń 26 sýbektisi tarıftik smetalar men ınvestıtsııalyq baǵdarlamalardy oryndaý boıynsha mindetterin buzǵandyǵy anyqtaldy. Osyǵan baılanysty, atalǵan sýbektilerge qatysty Shyǵys-Qazaqstan oblysy boıynsha TMRKD-y ákimshilik quqyq buzýshylyq týraly 55 hattama toltyrdy.
Máselen, 22 sýbekti Qazaqstan Respýblıkasynyń Ákimshilik quqyq buzýshylyq týraly Kodeksiniń 810 jáne 811-baptarynda kózdelgen qysqartylǵan óndiris tártibinde aıyppul tóledi.
Memleket kirisine aıyppuldar boıynsha túsken jalpy soma 31 977 720 teńgeni quraıdy.
Qalǵan sýbektiler boıynsha Departament jaza qoldaný týraly qaýly shyǵardy, sondaı-aq kelip túsken ótinish hattar boıynsha ákimshilik quqyq buzýshylyq týraly materıaldar Shyǵys-Qazaqstan oblysy ákimshilik quqyq buzýshylyq jónindegi mamandandyrylǵan aýdanaralyq sotynyń qaraýyna jiberildi.
«Osylaısha, Departament tabıǵı monopolııalar sýbektileriniń «Tabıǵı monopolııalar týraly» zańnama talaptaryn saqtaýyn qamtamasyz etýge baǵyttalǵan júıeli jumys júrgizedi»,-delingen habarlamada.