ShQO statsıonarlarynda koronavırýstan emdelip jatqandar sany azaıyp keledi

ÓSKEMEN. QazAqparat – Shyǵys Qazaqstan oblysyndaǵy statsıonarlarda koronavırýstan emdelip jatqandar azaıyp keledi, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńir boıynsha pandemııa bastalǵaly beri 59 509 adam vırýsqa shaldyqqan. Al sońǵy táýlik ishinde COVID-19 ınfektsııasyn juqtyrǵan tek 2 adam tirkeldi.

Búginde statsıonar jaǵdaıynda 93 patsıent em-dom qabyldap jatyr. Keshe medıtsınalyq mekemelerde koronavırýstan emdelip jatqandar sany 111 adamdy quraǵan bolatyn.

«Bir kúnde 4 naýqas juqpaly dertten tolyqtaı jazylyp shyqty. 2 sımptomsyz vırýstasýshy úı karantınin aıaqtady. Jalpy oblysta statsıonarlarda tósek-oryn júktemesi – 4,3%-dy quraıdy», - delingen aqparatta.

Esterińizge sala ketsek, osyǵan deıin ShQO-da 2,2 myńǵa jýyq júkti áıel vaktsınanyń eki komponentin saldyrǵanyn habarlaǵan edik.