ShQO statsıonarlarynda 200-ge jýyq naýqas koronavırýstan emdelip jatyr
14:10, 29 Jeltoqsan 2021
ÓSKEMEN. QazAqparat – Shyǵys Qazaqstan oblysynda koronavırýs naýqastaryna arnalǵan statsıonarlarda tósek-oryn júktemesi 9,6% quraıdy, dep habarlaıdy QazAqparat tilshisi.
ShQO densaýlyq saqtaý basqarmasy baspasóz qyzmetiniń málimetine súıensek, óńir boıynsha sońǵy táýlik ishinde COVID-19 ınfektsııasyn juqtyrǵan 27 adam tirkeldi.
Onyń ishindegi 24 naýqasta sımptom bar bolsa, 3 adam syrqatty sımptomsyz ótkerip jatyr.
Vırýsqa shaldyqqandardyń eń kóbi – Óskemende (17 adam). Sondaı-aq Semeıde 7, Ulan aýdanynda 2, Katonqaraǵaı aýdanynda 1 turǵyn koronavırýs juqtyrdy.
«Qazirgi ýaqytta oblys boıynsha statsıonar jaǵdaıynda 199 patsıent em-dom qabyldap jatyr. Jalpy oblystaǵy statsıonarlarda tósek-oryn júktemesi – 9,6% quraıdy», - delingen aqparatta.