ShQO shekarasyna qoıylǵan sanıtarlyq beketter alyndy

ÓSKEMEN. QazAqparat – Shyǵys Qazaqstan oblysy shekarasyna qoıylǵan sanıtarlyq beketter alyndy, dep habarlaıdy QazAqparat tilshisi.

ShQO Bas memlekettik sanıtarlyq dárigeriniń jańa qaýlysy jarııalandy. Onda jazylǵandaı, óńir shekarasyna qoıylǵan sanıtarlyq beketterdiń jumysy toqtatyldy.

«11 maýsymnan bastap Shyǵys Qazaqstan oblysynyń syrtqy shekaralaryna kirip-shyǵýdy baqylaý úshin Almaty, Qaraǵandy oblystary jaǵynan qoıylǵan sanıtarlyq beketter alyndy. Al Qazaqstan Respýblıkasynyń memlekettik shekarasy arqyly avtoótpe joldaryna «Aýyl», «Ýba», «Baqty» jáne «Maıqapshaǵaı» ótkizý pýnktterinde kirip-shyǵýdy baqylaıtyn 4 sanıtarlyq bekettiń jumysy ary qaraı jalǵasady», - delingen qujatta.

Esterińizge sala ketsek, ShQO-da karantındik shekteýler 19 maýsymǵa deıin uzartylǵan bolatyn.