ShQO polıtseıleri vıdeojetondardy qalaı qoldanatyny tekserildi
«Shyǵys – Adaldyq alańy» jobalyq keńsesiniń basshysy Marjan Bahyttyń aıtýynsha, qoǵamdyq monıtorıng memlekettik qyzmet kórsetý sapasyn arttyrýǵa, turmystyq sybaılas jemqorlyqpen kúresýge múmkindik beredi.
«Beınejazbalar birinshi kezekte polıtseılerdiń jáne jol qozǵalysyna qatysýshylar tarapyndaǵy sybaılas jemqorlyqqa qarsy kúresý maqsatynda júrgiziledi. Mundaı qurylǵylardy paıdalaný quqyq qorǵaý organdary qyzmetiniń ashyqtyǵyn qamtamasyz etedi. Osynyń arqasynda biz polıtsııa qyzmetkerleriniń barlyq is-áreketterin ońaı qadaǵalap, monıtorıng jasaı alamyz jáne oryn alýy yqtımal kez kelgen sybaılas jemqorlyqtyń jolyn kesemiz», - dedi ol.
Oblystaǵy jol polıtsııasynyń 200-ge jýyq qyzmetkeri beınejetondar alǵan. Olardyń keıbiri - jańa úlgide. Jetondar barlyq áreketterdi tirkep qana qoımaı, avtomatty túrde Nur-Sultannyń elektrondyq bazasymen úılestirilip, ári qaraı monıtorıng júrgizý úshin derekterdi jedel jiberýge múmkindik beredi. Eski beınejetondardy 2021 jyldyń basynda tolyǵymen aýystyrý josparlanyp otyr.
Derekterdi júkteý kezekti aýysymnan keıin birden júrgiziledi. Bazada saqtalǵan derekterti 30 kún ishinde alýǵa bolady. Bul rette, jańa tehnologııalardyń arqasynda beınematerıaldy tolyq qarap otyrmaı, naqty ýaqyt aralyǵyndaǵy úzindini kórýge de múmkindik jasalǵan.