ShQO pedagogi balalardyń shyǵarmashylyq qabiletin damytý baǵdarlamasyn jasap shyqty
Valentın teatr tehnologııalaryn qoldaný arqyly balalardyń shyǵarmashylyq qabiletin damytý baǵdarlamasyn jasap, ony sátti qorǵap shyqty. Onyń 6 jyl buryn ashylǵan New Life teatr ujymynda 6-19 jas aralyǵyndaǵy balalar bı, vokal, keskindeme, spektakl ónerleriniń qyr-syryn úırenip, zertteýmen de aınalysady.
Alıfanov ujymynyń el arasynda erekshe tanymal bolǵan jańa qoıylymdarynyń biri - «Bremen mýzykanttary» boldy. Ujymnyń spektaklderi tárbıelenýshilerdiń shyǵarmashylyq áleýetin arttyrady. Osy jyldar barysynda Abaı, Áýezov, Pýshkın, Shýkshın syndy kóptegen aqyn-jazýshylardyń shyǵarmalaryna qurylǵan qoıylymdardy kórermenge usynyp keledi.
Teatr ujymynyń tárbıelenýshileri «Kúnshýaq», «Ostrov talantov», «Aq kógershin» sekildi balalar shyǵarmashylyǵyna arnalǵan halyqaralyq baıqaýlar men festıvaldarǵa úzbeı qatysady.
«QazAqparat» HAA tilshisine bergen eksklıýzıvtik suhbatynda Valentın avtorlyq baǵdarlamasynyń negizine qosymsha bilim berýdiń Sıngapýr júıesin alǵanyn aıtty. «Balanyń shyǵarmashylyq qabiletterin damytý onyń qubylmaly álemniń talaptaryna jyldam beıimdelýine septigin tıgizedi», - deıdi ol.
Joǵary oqý ornyn bitirgen keıingi 6 jyldyq eńbek barysynda óziniń teatr stýdııasyn bitirgen shákirtterin maqtan etedi.
Jańashyl jas ustaz ózi týyp-ósken kenttegi mektepti bitirgen soń Altaı memlekettik mádenıet akademııasynyń teatrlyq rejıssýra jáne akterlik sheberlik fakýltetine oqýǵa túsedi. 2012 jyly oqýdy bitirgen soń qurby-qurdastarynyń iri qalalardan baǵyńdy izde degenine qulaq aspaı, týǵan jerge oralady. «It toıǵan jerine, jigit týǵan jerine júgiredi degen eskiniń sózi bar emes pe. Elge oralǵan soń «Dıplommen - aýylǵa» baǵdarlamasy boıynsha paıyzsyz nesıemen páter aldym. Úılendim, ulym Svıatoslav ósip keledi. Jubaıym da shyǵarmashylyqtyń adamy - modeler-vızajıst», - deıdi Valentın Alıfanov.