ShQO ońaltý ortalyqtarynda 6 myńnan astam balaǵa kómek kórsetildi

ÓSKEMEN. QazAqparat – Shyǵys Qazaqstan oblysynda bıyl balalardy medıtsınalyq ońaltý sharalaryna 4,5 mlrd teńge bólindi, dep habarlaıdy QazAqparat tilshisi.

«Áleýmettik medıtsınalyq saqtandyrý qory» ShQO fılıalynyń basshysy Ǵalymjan Ábilovtiń aıtýynsha, sońǵy jyldary oblysta balalardy ońaltý sharalary qarqyndy júrgizilip jatyr.

Atap aıtqanda, zamanaýı dıagnostıkany qoldana otyryp balalardy mamandandyrylǵan keshendi emdik-saýyqtyrý, medıtsınalyq-dıagnostıkalyq, psıhologııalyq-pedagogıkalyq jáne áleýmettik beıimdeý syndy kómek kórsetiledi.

«Sońǵy bir jylda 6 myńnan astam bala ońaltý sharalarymen, onyń ishinde ambýlatorlyq deńgeıde qamtyldy. MÁMS aıasynda balalardy ońaltýǵa bólinetin qarjy 2022 jyly birshama artyp otyr. Bul maqsattarǵa 4,5 mlrd teńge jumyldyrylǵan», - dedi Ǵalymjan Ábilov.

Osylaısha, balalardy medıtsınalyq ońaltý qyzmetterimen qamtý kórsetkishi ósip, olardyń qoljetimdiligi artady.

Sondaı-aq aldaǵy ýaqytta Semeı qalasynyń perınataldy ortalyǵynyń bazasynda balalardy ońaltý ortalyǵy ashylady.

Jańa ortalyqta jylyna 600-700 balaǵa kómek kórsetiledi.