ShQO-nyń Ulybrıtanııada qoıylǵan kórmesi álemdegi eń úzdikterdiń qataryna endi

ÓSKEMEN. QazAqparat – Ulybrıtanııadaǵy mýzeıge qoıylǵan Shyǵys Qazaqstan oblysynyń kórmesi 2021 jylda bolǵan álemdegi eń úzdik 5 kórmeniń biri atandy, dep habarlaıdy QazAqparat tilshisi.

Shyǵys Qazaqstan oblysynyń «Uly dala altyny» kórmesi byltyr Ulybrıtanııanyń London qalasynda ornalasqan Kembrıdj ýnıversıteti janyndaǵy Fıtsýılıam mýzeıine qoıylǵan bolatyn.

Kórmede óńirdiń Berel, Shilikti jáne Eleke Sazy jerleý keshenderinen bizdiń dáýirimizge deıingi VIII-III ǵasyrlarǵa jatatyn 15 myńnan astam biregeı jádiger qoıyldy.

ShQO Aqparat ortalyǵynyń málimetine súıensek, halyqaralyq bedeldi «Apollo» óner jýrnaly 2021 jyldaǵy álemdegi eń úzdik kórmelerdiń tizimin jasaǵan. Sonyń ishinde úzdik bestikke «Uly dala altyny» kórmesi enip otyr.

Aıta keteıik, Qazaqstan Respýblıkasy Táýelsizdiginiń 30 jyldyǵyna arnalǵan kórme 4 aıǵa sozylǵan. Osy ýaqyt ishinde ony 25 myńǵa jýyq adam tamashalady.