ShQO-nyń aýdan men aýyl turǵyndaryna memlekettik qyzmetter Qazposhta bólimshelerinde kórsetilýde
2021 jyldyń 1 sáýirinen beri «Qazposhta» AQ Shyǵys Qazaqstan oblysyndaǵy aýdan jáne aýyl turǵyndaryna 1 myń memlekettik jáne áleýmettik qyzmet kórsetti. Onyń basym bóligi egov.kz portalyna tıesili.
«Qazposhtanyń fılıaldar jelisi óte keń. Keıbir eldi mekenderde Qazposhta turǵyndarǵa qyzmet kórsetetin jalǵyz mekeme bolyp tabylady. Olar úshin memlekettik jáne áleýmettik qyzmetterge qoljetimdilikti qamtamasyz etý – asa mańyzdy áleýmettik mindet. Joba ShQO pılottyq túrde iske qosyldy. Onyń nátıjesi oń ekendigi baıqalady. Bizdiń jańa qyzmetter turǵyndar tarapynan suranysqa ıe jáne olardyń memlekettik qyzmetterge qoljetimdigin edáýir jeńildetedi», - dep atap ótti «Qazposhta» AQ basqarma tóraǵasy Qanat Alpysbaev.
Shyǵys Qazaqstan óńirindegi poshta baılanysynyń 167 bólimshesinde 628 memlekettik qyzmet usynylǵan. Onyń ishinde egov.kz portaly arqyly elektrondyq-sandyq qoltańba alý jáne onlaın qyzmetterge (jumysmen qamtýǵa, bilimge, densaýlyqqa, jyljymaıtyn múlikke jáne t.b. boıynsha anyqtamalar, ótinishter) tapsyrys berý, kóp balaly jáne az qamtylǵan otbasylardyń 1-den 6 jasqa deıingi balalarǵa kepildendirilgen áleýmettik paketti alýǵa, sonymen birge aleumet.egov.kz portalynda múmkindigi shekteýli jandar tarapynan ońaltý boıynsha tehnıkalyq quraldardy alýǵa jáne sanatorlyq-kýrorttyq emdelýge joldamalardy rásimdeýge ótinish berý qarastyrylǵan.
ShQO-nyń aýdan jáne aýyl turǵyndary oblys ortalyǵyna barmaı-aq, ózderine qajetti qyzmetterdi «Qazposhta» AQ bólimshelerinen alýǵa múmkindikteri bar. Bul baǵytta jergilikti poshta baılanysynyń 200-ge jýyq operatory Halyqqa qyzmet kórsetý ortalyqtarynda tıisti oqýdan ótken.
Aldaǵy ýaqytta Qazposhta áleýmettik mańyzdy jobanyń aıasyn keńeıtýdi josparlap otyr. Shyǵys Qazaqstan oblysyndaǵy fılıaldyń tájirıbesi elimizdiń basqa óńirlerine de qoldanylady.