ShQO-nyń 2017 jylǵy ishki aýdıt qorytyndysy talqylandy
Aımaq basshysy sáıkestik aýdıtine 52 nysandy bekitken. Danıal Ahmetov aýdıt jumysynyń nátıjeliligin aıta kele, atalǵan qyzmet júıesin jetildirýge tapsyrma berip, shtatty keńeıtýge kelisti,
Іshki aýdıt qyzmetiniń basshysy Anna Grışenkonyń aıtýynsha, 11 aı ishinde 47 nysanǵa aýdıt júrgizilip, bıýdjet qarajatynyń tıimsiz, maqsatsyz jáne negizsiz jumsalǵandyǵy anyqtalǵan.
Sonymen qatar, jyl boıy densaýlyq saqtaý, bilim berý salalarynda da sáıkestik aýdıti júrgizilip, 25 bilim berý mekemesinde 1,1 mlrd teńgege, 13 densaýlyq saqtaý uıymdarynda 3,3 mlrd teńgege qarjylyq quqyqbuzýshylyq anyqtalǵan.
Qarjylyq jetispeýshilikter aýdıt qorytyndysy boıynsha «júz paıyz» ornyna keltirilip, 15 materıal ýákiletti organdarǵa berildi. Aýdıtorlar áshkerelegen quqyqbuzýshylyqtar baqylaýǵa alynyp, aldaǵy ýaqytta olardyń qaıtalanbaý úshin tıisti sharalar qabyldandy.
Sóz sońynda Danıal Ahmetov aýdıt qyzmetkerlerine quqyqbuzýshylyqtardyń aldyn alý baǵytynda jumys isteýdi tapsyrdy.
«Qandaı da bir qujattar boıynsha quqyqbuzýshylyqtar barlyq basshylarǵa belgili bolýy úshin tekserý júıesin qurý kerek. Sondaı-aq, aldaǵy ýaqytta mundaı jetispeýshilikter bolmaýy úshin naqty baǵdarlamalar jasalýy tıis. Keı jaǵdaıda vedomstvo basshylary bilmestikten nemese basqa da jaǵdaılarǵa baılanysty quqyqbuzýshylyqqa jol berip alyp jatady», - dedi ShQO ákimi.
Aıta keteıik, shyǵys qazaqstandyq ishki aýdıt qyzmeti respýblıkada barlyq qyzmet túrleri jáne qyzmettiń nátıjeliligi boıynsha alǵashqy orynda.