ShQO muǵalimderine Ulybrıtanııa mamandary til úıretetin bolady
«Biz elimizde birinshi bolyp, Prezıdenttiń ıdeologııasyna sáıkes, úshtildilik bilim berýdi engize bastadyq. Úshtildilik bilim salasynda biz alǵashqy bolyp tájirıbelik jumysty 2 jyl buryn bastap ketken bolatynbyz. Qazaq tilin orys mektepterinde, aǵylshyn tilin barlyq mektepterge, orys tilin ulttyq mektepterge úıretý jolyn qaıta qarastyrdyq. ıAǵnı, ǵylymı túrde tereń zertteı kele osyǵan deıin oqytyp kele jatqan júıeniń tıimsiz ekenine kózimiz jetti. Sondyqtan, Kembrıdj ýnıversıtetinde bar ádistemeni negizge alyp, meniń oıymsha, biregeı baǵdarlamany jasap shyǵardyq», - deıdi Danıal Ahmetov.
Aımaq basshysynyń sózine sensek, qazaq mektepterine orys tilin úıretý ádistemesin reseılik professor Elızaveta Hamraeva, orys mektepterindegi qazaq tilin oqytý ádistemesi boıynsha jergilikti professor Faýzııa Orazbaeva ázirlegen.
«Sol sekildi aǵylshyn tili boıynsha jumys júrgizdik. Nátıjesi qýanta qoımasa da, pedagogıkanyń laıyqty dárejesi bizde bar. Sondyqtan, biz eki jyl boıy Ulybrıtanııadan muǵalimderdi shaqyryp otyrmyz. Qazaq tilin bizdiń eń úzdik til mamandary úıretedi. Álbette, orys tiline qatysty bizde eshqandaı másele joq. Búginge deıin muǵalimderimizdiń kóbiniń aǵylshyn tilinde biliktiligi bar. Bir jyl ótkennen keıin olardyń barlyǵy qalǵan muǵalimderdiń qabiletin shyńdaıtyn bolady», - deıdi ol.
Oblys ákimi sonymen birge, ázirlengen baǵdarlama tájirıbe retinde qolǵa alynǵan bolsa da, ony QR BǴM maquldaǵanyn sóz etti.
«Biz bul jumysty jalǵastyra beremiz. Osy rette aıta keteıin degenim, aǵylshyn tilin jańasha oqytý - latyn álipbıine kóshý kezeńinde qazaq tilin de, aǵylshyn tilin de meńgerýge qol jetkizýge bolatyn joly dep bilemin. Kelesi jyldan bastap fızıka, geometrııa, matematıka jáne hımııa pánderiniń 200 muǵalimi aǵylshyn tilinde sabaq berýdi úırenetin bolady», - deıdi Danıal Ahmetov.