ShQO men Almaty oblysynda 26 tonna shóp órtenip ketti

<p>ASTANA. KAZINFORM - TJM qutqarýshylary osy demalysta eki óńirde pishennen shyqqan alapat órtpen arpalysty.&nbsp;</p>

Shyǵys Qazaqstan jáne Almaty oblystarynda jeke turǵyn úıdiń aýmaǵynda jalpy 1200 sharshy metr alańda qurǵaq shóp jáne qoımaǵa jınalǵan 26 tonna pishen otqa orandy. 

Órt sóndirýshilerdiń jedel jáne úılesimdi áreketiniń arqasynda eki órt te der kezinde sóndirildi.

Zardap shekkender joq, sebebi anyqtalyp jatyr.  

Eske sala keteıik, buǵan deıin Batys Qazaqstanda 1 myń gektar aýmaqta shóp órtengen edi. 

Kaztalov aýdany Taldyqudyq aýyldyq okrýgi aýmaǵynda qurǵaq jáne shabylǵan shópti jalyn sharpyǵan. 

Sondaı-aq Ertis ormanynda shóp shaýyp júrgen sharýa órt shyǵaryp, qomaqty aıyppul tóledi.