ShQO men Abaı oblysynda oqýshylar úshinshi kún qatarynan sabaqty úıden oqyp jatyr

SEMEI. QazAqparat - Shyǵys Qazaqstan jáne Abaı oblystarynda aıazǵa baılanysty oqýshylar taǵy da qashyqtan bilim alady, dep habarlaıdy QazAqparat jergilikti ákimdikke silteme jasap.

Dál qazir Abaı oblysy aýmaǵynda aýa temperatýrasy 31 gradýs aıazdy kórsetip tur.

Osyǵan baılanysty 30 qarasha kúni birinshi aýysymda oqıtyn 1-11 synyp oqýshylary jáne kolledjderdiń 1,2 kýrs stýdentteri úshin sabaq onlaın formatqa aýystyryldy.

Sonymen qatar Shyǵys Qazaqstan oblysynyń Altaı, Tarbaǵataı, Glýbokoe, Samar, Qatonqaraǵaı, Kúrshim aýdandarynda 0-11 synyp, Óskemen men Rıdderde 0-9 synyp, Jańa Buqtyrma eldimekeninde 0-4 synyp oqýshylary úıden bilim alady.

Eske sala keteıik, keshe elimizdiń 5 óńirinde oqýshylar qolaısyz aýa raıyna baılanysty mektepke barmaǵan edi.