ShQO mektepterinde az qamtylǵan balalarǵa eki ese az nan berilip otyrǵan

<p>ÓSKEMEN. KAZINFORM &ndash; Shyǵys Qazaqstan oblysyndaǵy mektepterde az qamtylǵan balalarǵa eki ese az nan berilip otyrǵany anyqtaldy.</p>

Oblys prokýratýrasy az qamtylǵan otbasynan shyqqan 9 501 balanyń quqyǵyn qorǵady.

Taldaý barysynda mektep ashanalarynda halyqtyń áleýmettik osal toptaryna jatatyn, memleket esebinen tamaqtanatyn oqýshylardyń tamaqtaný normalary zańsyz tómendetilgeni anyqtaldy.

«11-14 jas aralyǵyndaǵy oqýshylarǵa arnalǵan nan normasy kúnine 35 gramm, al 15-18 jas aralyǵyndaǵy balalarǵa kúnine 40 gramm bolýy tıis. Іs júzinde balalarǵa normadan 2 ese az, ıaǵnı kúnine 20 gramm nan berilgen», - dep habarlady ShQO prokýratýrasynyń baspasóz qyzmetinen.

Sonymen qatar mektep ashanalarynda tamaqtandyrý boıynsha qyzmet kórsetetin 11 kásipkerden tólem kezinde qosylǵan qun salyǵy zańsyz alynyp otyrǵany belgili boldy.

Olarǵa 1 oqýshyǵa 620 teńgeniń ornyna 553 teńgeden tólenip otyrdy.

Prokýrorlyq qadaǵalaý aktisi boıynsha oblystyq bilim basqarmasynyń 7 laýazymdy tulǵasy, onyń ishinde basshynyń orynbasary qatań tártiptik jaýapkershilikke tartyldy.

9 501 oqýshyǵa tamaqtaný normalary ulǵaıtylyp, 11 kásipkerge zańsyz ustalǵan somasyn óteý úshin qaıta eseptelip jatyr.