ShQO qutqarýshylary jaǵajaılardy patrýldeýge atpen shyqty
ShQO Tótenshe jaǵdaılar departamenti baspasóz qyzmetiniń málimetine súıensek, jaz shyqqaly beri oblystaǵy ózen-kólderde 6 adam, onyń ishinde 1 bala sýǵa batty. Olardyń barlyǵy tyıym salynǵan jerlerde shomylǵan.
Qaıǵyly oqıǵalardyń aldyn alý úshin qutqarýshylar atqa minip, jaǵalaılardy patrýldep júr. Bul ruqsat etilmegen sý qoımalaryn jedel qamtý úshin yńǵaıly.
«Jylqymen osyndaı reıdterge byltyrdan beri shyǵa bastadyq. Adamdar demalýǵa jıi asyǵatyn oqshaý jatqan ýchaskelerge kólikpen jetý qıyn. Sol úshin atpen patrýldep, qaýipsizdik sharalaryn túsindirip jatyrmyz. Osy syndy jańa ádisterdi aldaǵy ýaqytta da engizetin bolamyz. Basty mindetimiz - sýdaǵy qaıǵyly jaǵdaılardyń aldyn alýǵa tyrysý», - dedi oblystyq TJD bastyǵynyń orynbasary Arman Toqanov.
Onyń aıtýynsha, jurtshylyqqa tyıym salynǵan jerlerde shomylýdyń qaýipti ekendigi eskertiledi. Sonymen qatar, polıtsııa qyzmetkerleriniń qatysýymen jaǵajaılarda alkogoldi ishimdik ishetinder jaýapqa tartylyp jatyr.
«Jylqy ystyqqa tózimdi janýar. Bul ádis bizdiń jumysymyzdy birshama jeńildetti. Patrýldeý kezinde kóbinese sýǵa shomylýǵa ruqsat etilmegen oryndarǵa baratyn tártip buzýshylardy anyqtaımyz», - dedi Ulan aýdandyq TJB bastyǵy Ádil Bıdahmetov.