ShQO qutqarýshylary tabıǵat aıasynda órt qaýipsizdigin saqtaýdy eskertti

ÓSKEMEN. QazAqparat – Shyǵys Qazaqstan oblysynyń qutqarýshylary dalada káýáp ázirlegende órt qaýipsizdigi erejelerin túsindirdi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 5 sáýirden óńir aýmaǵynda órt qaýpi joǵary kezeń bastaldy. Osy kezeńde kóp jaǵdaıda saıajaı ýchaskeleriniń aýmaǵynda órt shyǵady.

«Munyń negizgi sebepteri – otpen abaısyz áreket etý, sóndirilmegen temeki tuqyly, shóp órteý jáne qaýipsizdik talaptaryna sáıkes ornatylmaǵan mangal. Zań boıynsha dalada káýap pysyrýǵa tyıym salynbaǵan. Biraq mindetti túrde órt qaýipsizdigi erejeleri saqtalýy kerek», - delingen aqparatta.

Osy rette, qutqarýshylar qaýipsizdik erejelerin túsindirip ótti:

- Mangaldy tek janǵysh qoqystardan tazartylǵan arnaıy bólingen alańǵa ornatý kerek.

- Qurylystar men ǵımarattardan qashyqtyq kem degende 10 metr bolýy kerek.

- Ot tutaný úshin benzındi nemese basqa janǵysh suıyqtyqty paıdalanbańyz.

- Ot janyp jatqan mangaldy qaraýsyz qaldyrmańyz.

- Jeldi aýa raıynda ot jaǵýǵa bolmaıdy.

- Jaqyn jerde órt sóndirgish nemese sý quıylǵan bóshke bolýy tıis.