ShQO qutqarýshylary «Kóktem-2022» komandalyq-shtabtyq oqý-jattyǵý ótkizýde
ShQO TJD baspasóz qyzmetiniń málimetine súıensek, qutqarýshylar 3-4 naýryz aralyǵynda «Kóktem-2022» komandalyq-shtabtyq oqý-jattyǵý ótkizedi. Ondaǵy maqsat – sý tasqyny kezeńine daıyndalý.
«Oqý-jattyǵýǵa qatysýshylar kóktem kezindegi tótenshe jaǵdaılardyń aldyn alýǵa baǵyttalǵan sharalar keshenin uıymdastyryp, ózara is-qımyldyń úılesimdiligin jetildirip, qulaqtandyrý jáne baılanys júıeleriniń ázirligin tekseredi. Sondaı-aq materıaldyq-tehnıkalyq, azyq-túlik jáne medıtsınalyq rezervter qorlaryn qurýǵa monıtorıng júrgiziledi», - delingen aqparatta.
Búginde Shyǵys Qazaqstanda azamattyq qorǵaý qyzmetteri men múddeli organdardan shtab qurylǵan.
«Jergilikti atqarýshy organdar eldi mekenderden qardy ýaqtyly shyǵarý, avtokólik jáne temir joldardyń, sý ótkizý qurylystary men kópirlerdi tazartyp, bógetterdi nyǵaıtý, ınertti materıaldardy daıyndaý jumystaryn júrgizýde. Budan bólek, sý tasqyny kezeńine halyqty habardar etip, shuǵyl den qoıý jasaqtaryn jınap, evakýatsııalyq pýnktterdi uıymdastyrýda», - delingen habarlamada.