ShQO qutqarýshylary jumysta ulttyq kıimmen júr
19:48, 18 Naýryz 2024
<p>ÓSKEMEN. KAZINFORM – Shyǵys Qazaqstan oblysynyń qutqarýshylary Ulttyq kıim kúnin atap ótýde.</p>
18 naýryz elimizde – Ulttyq kıim kúni.
Sondyqtan ShQO tótenshe jaǵdaılar departamentiniń qyzmetkerleri jumysqa ulttyq kıim kıip kelgen.
Qutqarýshylar, dıspetcherler, órt sóndirý avtokólikteriniń júrgizýshileri, kadr qyzmetiniń mamandary jáne memlekettik órt baqylaý ınspektorlary jumysqa beshpet, jılet jáne dástúrli ulttyq oıý-órnekteri bar kıim kıip, sándenip keldi.
Qyzdar zergerlik buıymdaryn taǵynyp, ádemi syrǵalary men alqalaryn pash etýde.
«Ulttyq kıim-keshek adamnyń syrtqy sulýlyǵyn kórsetip qana qoımaı, baı-rýhanı álemin, óz halqyna degen súıispenshiligin beıneleıdi. Sondyqtan da osyndaı kúnniń mán-mańyzy zor»,- deıdi oblystyq TJD bastyǵynyń orynbasary Aıdyn Mýstafın.