ShQO qutqarýshylary muz ústinde qaýipsizdik erejelerin qatań saqtaýdy eskertti

<p>Shyǵys Qazaqstan oblysynyń qutqarýshylary jazataıym oqıǵalardyń aldyn alý úshin muz ótkeline qalaı qaýipsiz shyǵý keregin túsindirdi, dep habarlaıdy <a href="Kazinform." target="_blank" rel="noopener">Kazinform.</a></p>

ShQO TJD baspasóz qyzmeti muz ótkelderi arqyly kólikpen júrgen kezde ondaǵy aqparattyq belgilerdiń talaptaryn qatań saqtaýdy, muzǵa baıaý, tejeýsiz shyǵýdy, kóliktegi qaýipsizdik beldikterin sheshýdi eskertti. 

«Muz ótkelinde toqtaýǵa, jyldam qozǵalýǵa, burylýǵa, aldaǵy kólikterdi basyp ozýǵa jáne kólikke janarmaı quıýǵa tyıym salynady. Muzdyń kótere alatyn salmaǵynan asatyn júktemelerge jol bermeńiz. Aınala nashar kóringen kezde (tuman nemese boran bolsa) muz ústine shyqpaǵan durys», - delingen aqparatta.

Qaýipsizdiktiń negizgi sharty - muz qalyńdyǵynyń júktemege sáıkestigi, ıaǵnı, jeńil kóliktiń ótýi úshin muzdyń qaýipsiz qalyńdyǵy keminde 30 sm, júk kólikteri úshin keminde 50 sm bolýy tıis. 

«Jarylǵan muz qanshalyqty qalyń bolsa da oǵan shyqpańyz. Kóktemde seń júre bastaǵan kezde jáne kúzde muz berik bolmaǵanda kólikpen onyń ústinen ótýge bolmaıdy. QR ІІM sý aıdyndaryndaǵy qaýipsizdik erejeleri №34 buıryǵyna sáıkes muz ótkelderinde balyq aýlaý jáne basqa maqsattar úshin oıyq jasaýǵa, qorshalmaǵan jáne qorǵalmaǵan jerlerden ótýge tyıym salynady», - deıdi oblystyq TJD bastyǵynyń orynbasary Arman Toqanov.