ShQO qutqarýshylary qatarynda táýelsizdik qurdastary eńbek etýde

<p>Shyǵys Qazaqstan oblysy Tótenshe jaǵdaılar departamenti qatarynda táýelsizdik qurdastary eńbek etýde, dep habarlaıdy <a href="Kazinform" target="_blank" rel="noopener">Kazinform</a>.</p>

Osydan dál 32 jyl buryn dúnıege kelgen Nurjan Luqbekov táýelsizdik qurdasy ekendigin maqtan etetindigin jetkizdi.

«Ata-anam men jaqyndarymnyń maǵan artqan úmitin aqtaýǵa tyrysamyn. Ómirde áli oıǵa alǵan talaı sharýany atqarýym kerek. Qazir Sanjar men Ársen atty eki ul tárbıelep otyrmyn. Qyzmette áriptes órt sóndirýshilermen únemi ottyń ortasynda júremiz», - deıdi azamattyq qorǵaý aǵa serjanty.

Ol Katonqaraǵaı aýdany Úlken Naryn aýylynyń №26 órt sóndirý bóliminde júrgizýshi bolyp jumys isteıdi. 11 ret dala órtine, «Berel» ormanshylyǵyndaǵy jalynmen kúreske qatysqan. Tózimdilik tanytyp, jetýi qıyn taýly jerlerde jalyndy aýyzdyqtady.

Nurjan sportty da janyna serik etip, birneshe ret fýtboldan jarysta jeńiske jetti.
Al Óskemen qalasynyń №7 órt sóndirý bóliminiń qaraýyl bastyǵy Erlik Jaǵyparov 10 jyldan astam ýaqyt boıy órtpen kúresip keledi.

Foto: ShQO TJD baspasóz qyzmeti

«Aýysymǵa kele sala qarbalas bastalady. Óıtkeni bizdiń bólim qalanyń eń tyǵyz qonystanǵan aımaǵynda ornalasqan. Jumystan bos ýaqytymdy otbasyma arnaımyn. Áıelim de taǵdyrdyń qalaýymen qutqarýshylar qatarynda. Ol Óskemen qalasyndaǵy №8 órt sóndirý bóliminiń dıspetcheri. El táýelsizdiginiń qurdasy ekenimdi maqtan tutamyn», - deıdi ol.