ShQO Kúrshim aýdanyna jańa ákim taǵaıyndaldy

<p>ÓSKEMEN. KAZINFORM &ndash; Shyǵys Qazaqstan oblysy Kúrshim aýdanynyń ákimi bolyp Meıirjan Álbekov taǵaıyndaldy.</p>

Meıirjan Qanatbekuly Shyǵys Qazaqstan oblysy Tarbaǵataı aýdany Mańyraq aýylynyń týmasy. 2011 jyly Semeı memlekettik pedagogıkalyq ýnıversıtetin, 2015 jyly T.Q.Júrgenev atyndaǵy Qazaq ulttyq óner akademııasyn, 2021 jyly Almaty ekonomıka jáne statıstıka akademııasyn aıaqtaǵan.

Eńbek jolyn 2010 jyly bastady. Ár ýaqytta «Daryn» MKQK dırektory, mádenıet, tilderdi damytý, dene shynyqtyrý jáne sport bóliminiń basshysy, aýdan ákiminiń orynbasary, sonymen qatar Ulan aýdany Tavrııa aýyldyq okrýginiń ákimi bolyp jumys istegen. 

2023 jyldyń jeltoqsanynan bastap Kúrshim aýdany ákiminiń orynbasary qyzmetin atqardy.
Oblys ákimi Ermek Kósherbaev jańa ákimge Kúrshim aýdanynyń ınfraqurylymyn, áleýmettik-ekonomıkalyq jáne týrıstik áleýetin damytý boıynsha mindetter qoıdy.

Eske salsaq, osyǵan deıin Kúrshim aýdanyn basqarǵan Almat Aqyshov Óskemen qalasynyń ákimi laýazymyna taǵaıyndalǵan.