ShQO halqynyń 70 paıyzdan astamy vaktsınanyń eki komponentin saldyrdy

ÓSKEMEN. QazAqparat – Shyǵys Qazaqstan oblysy turǵyndarynyń 70 paıyzdan astam vaktsınanyń eki komponentin aldy, dep habarlaıdy QazAqparat tilshisi.

ShQO ákimdiginiń málimetine súıensek, 25 qazandaǵy jaǵdaı boıynsha óńir halqynyń 83,2%-y koronavırýsqa qarsy vaktsınanyń birinshi komponentin saldyrǵan.

Al vaktsınalaý protsedýrasyn tolyq aıaqtaǵandar úlesi – 72,3%-dy qurap otyr.

«Oblysta vaktsınanyń eki komponentin alǵan turǵyndar sany boıynsha Úrjar (jalpy turǵyndar sanynyń 95,3 paıyzy), Besqaraǵaı (94,4%) jáne Zaısan (92,7%) aýdandary kósh basynda. Al eń tómengi orynda Óskemen qalasy (62,6%) men Glýbokoe (61,8%), Shemonaıha (55,9%) aýdandary tur», - delingen aqparatta.

Aıta keteıik, sońǵy táýlikte Shyǵys Qazaqstanda 102 adam COVID-19 ınfektsııasyna shaldyqqan.