ShQO Glýbokoe aýdanynda medıatsııanyń tıimdiligi týraly semınar-trenıng ótti

ÓSKEMEN. QazAqparat – Shyǵys Qazaqstan oblysy Glýbokoe aýdany Dostyq úıiniń uıymdastyrýymen stýdentterge medıatsııanyń tıimdiligi týraly semınar-trenıng ótkizildi, dep habarlaıdy QazAqparat tilshisi.

Aýdandyq Dostyq úıi «Kelisim» jobasy aıasynda stýdentterge arnaıy shara ótkizdi.

«Medıatsııalyq qyzmet – kelisim joly» atty semınar-trenıng saıys túrinde uıymdastyryldy.

«Eń áýeli stýdentter eki topqa bólindi. Komandalardyń quramy uldar men qyzdar bolyp aralasyp, jastaryna, fızıkalyq damýyna da qaraı bólindi. Konkýrstyq tapsyrmalar san alýan boldy. Mundaı tásil búkil semınar-trenıngtiń básekelestikten góri dıalog alańyna aınalyp, stýdentterdiń jan-jaqty damýyna jol ashty», - delingen Dostyq úıinen taratqan aqparatta.

Jastarǵa tek logıkalyq oılaý ǵana emes, teorııalyq jáne praktıkalyq bilim men daǵdylardy shyǵarmashylyqpen paıdalana bilý, ártúrli suraqtarǵa tez jáne naqty jaýap berý qajet boldy.

Sonymen qatar stýdentterdiń medıatsııa zańdylyqtary men medıatsııa tásiliniń erekshelikteri týraly túsinikterin keńeıtýge múmkindik jasaldy.

«Sharanyń basty maqsaty – stýdentterdi eki jaq taraptyń árqaısysynyń múddesi bolatyn kúrdeli, daýly jaǵdaılardy sheshýdiń jáne aldyn alýdyń jańa ádisterine úıretý. Oqý-tárbıe protsesinde muǵalimder, tárbıeshiler, oqýshylar, olardyń ata-analary arasynda túrli oqıǵalar bolyp jatady. Solardy durys sheshe bilý qajet. Semınar-trenıng sońynda qatysýshylarǵa sertıfıkattar men syılyqtar tabys etildi. Óz rızashylyqtaryn bildirgen jastar sharadan biraz dúnıe túıip qaıtqandaryn jetkizdi», - delingen málimette.