ShQO-ǵa «Spýtnık Laıt» vaktsınasynyń 21 myń dozasy jetkizildi

ÓSKEMEN. QazAqparat – Shyǵys Qazaqstan oblysyna «Spýtnık Laıt» vaktsınasynyń 21 myń dozasy jetkizildi, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńirge reseılik «Spýtnık Laıt» vaktsınasynyń 21 myń dozasy jetkizildi. Qazir preparat medıtsınalyq uıymdarǵa taratylýda. Jaqyn arada turǵyndar atalǵan ekpeni saldyra alatyn bolady.

«Spýtnık Laıt» – koronavırýs ınfektsııasyna qarsy ımmýndaýdyń tolyq kýrsynan keıin qaıta vaktsınatsııalaýǵa arnalǵan. Revaktsınatsııa ekinshi komponentti alǵannan keıin alty aıdan keıin júrgiziledi. Búgingi tańda aımaq boıynsha 154 myńnan astam adam revaktsınatsııadan ótti», - delingen aqparatta.

Esterińizge sala ketsek, osyǵan deıin ShQO-daǵy aýrýhanalarda 90 kúnge jetetin dári-dármek qory bar ekendigi habarlanǵan.