ShQO-ǵa PTR-syz kirgizbeıdi: Oblys aýmaǵynda sanbeketter ornatyldy
Shyǵys Qazaqstan oblysy Bas sanıtarııa dárigeriniń jańa qaýlysy jarııalandy. Onda jazylǵandaı, óńir boıynsha karantın 15 sáýirge deıin uzartyldy. Shekteý sharalarynyń merzimi oblys aýmaǵynda COVID-19 ınfektsııasynyń taralýy ózgergende qaıta qaralýy múmkin.
Búginde COVІD-19 juqtyrǵan naýqastardy emdeýge arnalǵan ınfektsııa statsıonarlarynda tósek qorynyń toltyrylý deńgeıi – 3.3%. Oblys boıynsha ınfektsııanyń reprodýktıvtik R sany – 1,175.
«Semeı, Kýrchatov qalalarynyń, Besqaraǵaı, Borodýlıha, Shemonaıha, Úrjar, Zaısan aýdandarynyń ákimderi, ShQO densaýlyq saqtaý basqarmasy, ShQO memlekettik kirister departamenti, ShQO polıtsııa departamenti, qalalar men aýdandardyń sanıtarlyq-epıdemılogııalyq baqylaý basqarmalary óńirdiń syrtqy shekaralaryna kirip-shyǵýdy baqylaý úshin Almaty oblysy tarapyna qoıylatyn 3 jáne Qaraǵandy men Pavlodar oblystary aýmaqtaryndaǵy 3 sanıtarlyq bekettiń jumysyn qamtamasyz etýi tıis. Sonymen qatar «Aýyl», «Úbe», «Baqty», «Maıqapshaǵaı» avtoótpe joldaryndaǵy ótkizý pýnktterinde 4 sanıtarlyq beket qoıylady», - delingen qujatta.
«Qyzyl» aımaqtaǵy óńirden keletin adamda sanıtarlyq beketterdi kesip ótken kezde COVID-19 ınfektsııasynyń joqtyǵyn rastaıtyn PTR synamanyń teris nátıjesi týraly úsh táýlikten (72 saǵattan) aspaıtyn anyqtamanyń bolýy mindetti.