ShQO Dostyq úıinde jańa jýrnaldyń tusaýy kesildi
ShQO Dostyq úıi-qoǵamdyq kelisim ortalyǵynyń 30 jyldyǵy men «Altaıdyń dánekeri» ádebı birlestiginiń 100 jyldyǵy aıasynda óńirlik mádenıet basqarmasynyń bastamasymen Reseı Jazýshylar Odaǵynyń Qazaqstandaǵy músheleri birlestigi jáne Shyǵys Qazaqstan jazýshylary men aqyndarynyń orys tilinde jazǵan 30 tomdyq shyǵarmalar jınaǵy jaryq kórdi. Bul kitap «Kaztsınk» JShS qarjylaı qoldaýymen shyǵyp otyr. Sondaı-aq «Altaı IzýmRýdnyı» atty jańa jýrnal ashyldy.
Kitap pen jýrnaldyń tusaýkeseri Óskemen qalasynda ótti. Oǵan Qoǵamdyq kelisim keńesiniń tóraǵasy, «Altaı IzýmRýdnyı» jýrnalynyń redaktory Gennadıı Pýssep kelip, kópshiliktiń suraqtaryna jaýap berdi.
Saltanatty shara Dostyq úıi-qoǵamdyq kelisim ortalyǵynyń basshysy Eldar Tóleýbekulynyń quttyqtaý sózimen bastaldy. Sodan soń Dostyq úıiniń etnomádenı birlestikteri músheleriniń ázirlegen kontserttik nómirleri sharanyń kórkin ashty.
«Jańa jýrnal betterinde shyǵysqazaqstandyqtardyń shyǵarmalary, poezııa men proza, qazaq tilinen aýdarmalar, ólketaný materıaldary, balalarǵa arnalǵan ertegiler, óner qaıratkerlerimen kezdesýler men muraǵattar týraly esepter beriledi. Sonymen qatar jýrnalda Dostyq úıine arnalǵan aıdar engizilgen», - dep habarlady ShQO Dostyq úıi-qoǵamdyq kelisim ortalyǵynan.
Sharaǵa mektep, qalalyq, oblystyq kitaphana qyzmetkerleri, mýzeı mamandary, muǵalimder, joǵary oqý oryndarynyń stýdentteri men mektep oqýshylary qatysty.
Foto: nypost.com