ShQO Dene shynyqtyrý jáne sport basqarmasyna jańa basshy taǵaıyndaldy
17:47, 18 Aqpan 2021
ÓSKEMEN. QazAqparat – Shyǵys Qazaqstan oblysy Dene shynyqtyrý jáne sport basqarmasyna jańa basshy taǵaıyndaldy, dep habarlaıdy QazAqparat tilshisi.
Oblys ákimi Danıal Ahmetovtiń ókimimen ShQO Dene shynyqtyrý jáne sport basqarmasynyń jańa basshysy bolyp Dosjan Ýalhanov taǵaıyndaldy.
Dosjan Nurbaıuly 1979 jyly Shyǵys Qazaqstan oblysy Katonqaraǵaı aýdanynda dúnıege kelgen. «Shyǵys-SvınetsStroı» voleıbol klýbyn basqarǵan ol 2015 jyly aımaq basshysynyń qoldaýymen «Altaı» voleıbol klýbyn qurdy. Qazirgi laýazymyna deıin sol klýbtyń dırektory qyzmetin atqarǵan.
Aıta keteıik, osy ýaqytqa deıin ShQO Dene shynyqtyrý jáne sport basqarmasyn qazaq jeńil atletıkasynyń jaryq juldyzy Olga Rypakovanyń jubaıy Denıs Rypakov basqarǵan bolatyn.