ShQO-dan Reseıge bara jatqan avtobýs jolda qalyp, 46 adam evakýatsııalandy

<p>ÓSKEMEN. KAZINFORM &ndash; Shyǵys Qazaqstan oblysynan Reseıge baǵyt alǵan avtobýs jolda synyp qalyp, 46 adam evakýatsııalandy.</p>

Óskemen-Novosıbırsk baǵytyndaǵy avtobýs 7 qańtarda túngi ýaqytta Shemonaıha aýdanynda synyp qalǵan. Qoǵamdyq kólikte 46 adam otyrdy, onyń ishinde kámelettik jasqa tolmaǵan balalar da boldy. Olar aıazda jaýraı bastaǵan.

Foto: ShQO polıtsııa departamenti

- Sol kezde jolaýshylardyń biri 102 arnasyna habarlasyp, kómek surady. Jedel kelip jetken polıtseıler barlyq adamdy Shemonaıha qalasyndaǵy kolledjge evakýatsııalady. Olar sol jerde jylynyp, demalýǵa múmkindik aldy. Belgili bolǵandaı, avtobýstyń generatory isten shyqqan, - dep habarlady ShQO polıtsııa departamentiniń baspasóz qyzmetinen.

Qazirgi ýaqytta avtobýs jóndelip, jolaýshylar saparlaryn qaıta jalǵastyrdy.

Eske salsaq, osyǵan deıin Jetisý oblysynda Altyn Emel asýynyń joly jabylǵany habarlanǵan.