ShQO-dan Novosibirge myrysh pen mys artylǵan alǵashqy poıyz jóneltildi
«Qazmyrysh» kompanııasynyń aqparaty boıynsha, baǵaly júk Novosibir portyna bet aldy. Ol jerden ary qaraı Túrkııa, Ispanııa, Italııa jáne basqa da alys sheteldegi satyp alýshylarǵa jóneltiledi.
«Geografııalyq turǵydan iri kólik toraptarynan qashyq ornalasqan qazaqstandyq óndirýshilerge ónim jetkizý - ózekti másele. «Qazmyrysh» kompanııasy sońǵy eki jylda júkti tasymaldaý úshin konteınerlerdi qoldanýda. Jabyq vagondarmen júk jetkizý isi ózektiligin joǵaltyp jatyr. Budan bólek, arnaýly júkti birtutas konteınerlik poıyzben jiberý - júkti Reseı portyna 7 kúnniń ishinde (bir táýliktiń ishinde 1 200 shaqyrym qashyqtyqty júrip ótedi) jetkizýge múmkindik beredi. Salystyrmaly túrde, qarapaıym júk quramynyń ortasha jyldamdyǵy táýligine 220 shaqyrymdy quraıdy», - dep pikir bildirdi kompanııanyń kólik jáne lıtsenzııalaý basqarmasynyń basshysy Elmıra Qabanbaeva.