ShQO-daǵy jol apaty 4 adamnyń ómirin qıyp ketti
15:11, 21 Qańtar 2022
ÓSKEMEN. QazAqparat – Shyǵys Qazaqstan oblysynda jol apatynan 4 adam kóz jumdy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 19 qańtarda «Omby-Maıqapshaǵaı» tasjolynda Jarma aýdanynyń aýmaǵynda bolǵan. Saǵat 13:00 shamasynda tasjolda kele jatqan Kia Rio men Mitsubishi markaly avtokólikter betpe-bet soqtyǵysty.
Jol apaty saldarynan Kia Rio kóliginiń júrgizýshisi men eki jolaýshysy jáne Mitsubishi kóliginiń bir jolaýshysy sol jerde jan tapsyrdy. Sondaı-aq Mitsubishi-diń júrgizýshisi men eki jolaýshysy kóptegen dene jaraqattarymen aýrýhanaǵa jetkizilgen.
Qazirgi ýaqytta atalǵan fakti boıynsha QR Qylmystyq Kodeksiniń 345-baby 4-bóligine (Abaısyzda eki nemese odan da kóp adam ólimine ákep soqqan jol qozǵalysy erejeleriniń buzylýy) sáıkes sotqa deıingi tergeý amaldary bastaldy.