ShQO-daǵy jaǵajaılardyń 10%-y ǵana demalýshylardy qabyldaýǵa daıyn
Shyǵys Qazaqstanda shomylýǵa ruqsat etilmegen 64 oryn bar. Tekserý nátıjesinde, jaǵalaýlardyń kóbinde balalardyń shomylatyn oryndary jabdyqtalmaǵany, qutqarýshylar men dárigerlerdiń statsıonarlyq beketiniń joq ekendigi anyqtalǵan.
«Óńirdegi barlyq demalys bazalarynyń ıelerine sý qoımalarynda halyqtyń qaýipsizdigin qamtamasyz etý boıynsha tıisti sharalar qabyldaý qajettigi týraly hattar jiberildi. Departament mamandary osy ýaqytqa deıin 32 qoǵamdyq qutqarýshyny oqytty. Qazirgi ýaqytta taǵy 42 adam oqytylyp jatyr. Budan bólek, ákimdikpen birge jaǵajaılarǵa qaýipsizdik belgisin ornatý jumystary júrgizildi. Naqty aıtqanda, shomylýǵa bolmaıtyn jerlerde 123 tyıym salý jáne eskertý belgisi qoıylǵan», - dedi oblystyq TJD bastyǵynyń orynbasary Dmıtrıı Tıtov.
Onyń aıtýynsha, qazirgi ýaqytta óńir jaǵajaılarynyń 10%-y ǵana demalýshylardy qabyldaýǵa daıyn. Jaǵajaılardyń kóbisinde qutqarýshy jetispeıdi.
Aıta keteıik, jyl saıyn Shyǵys Qazaqstanda 30-dan astam sýǵa ketedi.