ShQO-daǵy zerthanalarda 1,4 mln PTsR-synama tapsyryldy

ÓSKEMEN. QazAqparat – Shyǵys Qazaqstan oblysynyń turǵyndary koronavırýs pandemııasy bastalǵaly beri zerthanalarda 1,4 mln ret PTsR-synama tapsyrǵan, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, SOVID-19 pandemııasy bastalǵaly óńir boıynsha jalpy sany 59 275 adam vırýs juqtyrǵan. Onyń ishinde 47 503 naýqasta aýrýdyń sımpomdary baıqaldy.

«Sońǵy táýlikte 20 adamnan koronavırýs anyqtaldy. Al emdelip shyqqandar sany – 55. Qazirgi tańda statsıonarlardaǵy tósek-oryn qorynyń qamtylý deńgeıi – 11,9 paıyz. 25 sımptomsyz vırýs tasýshy úı karantınin aıaqtady», - delingen aqparatta.

Búginde Shyǵys Qazaqstan boıynsha PTR-synamalardy tekserýdi 19 zerthana júrgizedi. Osy ýaqytqa deıin oblys jurtshylyǵy sol zerthanalarda 1 390 386 ret synama tapsyrǵan. Onyń 4,3%-ynda koronavırýs tabyldy.