ShQO-daǵy zaýyt órtten kóz jumǵan 14 adamnyń otbasyna bir mln teńgeden aýdarady

ÓSKEMEN. QazAqparat – Shyǵys Qazaqstan oblysyndaǵy «Kaztsınk» JShS Abaı oblysynda órtten kóz jumǵan 14 adamnyń otbasyna bir mln teńgeden aýdarady, dep habarlaıdy QazAqparat tilshisi.

Abaı oblysyndaǵy alapat órtten kóz jumǵan 14 ormanshynyń otbasyna «Kaztsınk» JShS materıaldyq kómek kórsetedi. Ár januıaǵa 1 mln teńgeden berilmek.

«Abaı oblysyndaǵy órt ulttyq tragedııaǵa aınaldy. Shyǵys Qazaqstannan bólinip shyqqanǵa deıin bul óńirdiń kenshileri men metallýrgteri bizben birlese jumys istep, túrli jobalardy júzege asyrdy. Tótenshe jaǵdaıdyń zardaptaryn joıýǵa kómektesý – kompanııamyz úshin óte mańyzdy mindet. Qyzmettik boryshyn óteýde naǵyz erlik kórsetip qaza bolǵan orman sharýashylyǵynyń qyzmetkerlerin búkil el aza tutýda. Biz olardyń otbasylaryna jan-jaqty kómek kórsetkimiz keledi. Sol úshin osyndaı sheshimge keldik. Marqumdardyń otbasylaryna shyn júrekten kóńil aıtamyz», - deıdi bas dırektory Aleksandr Hmelev.

Eske salsaq, osyǵan deıin Abaı oblysynda órtten zardap shekken otbasylardyń balalaryna ýnıversıtetten 10 grant bólinetindigin habarlaǵan edik.