ShQO-daǵy taýly jerlerde 21 aqpanǵa deıin qar kóshkini júrýi múmkin
11:23, 18 Aqpan 2022
ÓSKEMEN. QazAqparat – Shyǵys Qazaqstan oblysynda 21 aqpanǵa deıin qar kóshkini júrý qaýpi bar, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 18-21 aqpan aralyǵynda óńirde qar kóshkini júrý qaýpi bar.
«Meteorologııalyq jaǵdaıdyń ózgerip, jeldiń kúsheıýine baılanysty oblystyń taýly jerlerinde qar kóshkini túsýi yqtımal. Osy rette, turǵyndarǵa barynsha abaı bolýdy, eshbir jaǵdaıda taýǵa shyqpaý qajettigin eskertemiz. Eger qandaı da bir qıyndyqqa tap bolsańyz birden «112» nómirine qońyraý shalyńyz», - dep habarlady vedomstvo ókilderi.
Sondaı-aq qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.