ShQO-daǵy tasjol mańynda jasandy jolmen 4 ret qar túsirildi
11:07, 17 Naýryz 2022
ÓSKEMEN. QazAqparat – Shyǵys Qazaqstan oblysyndaǵy tasjol mańynda jasandy jolmen 4 ret qar túsirildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, kúnniń kúrt jylynýyna oraı óńirdiń taýly jerlerinde qar kóshkini júrý qaýpi artqan. Osyǵan oraı «Altaı-Pýtıntsevo» tasjolynda jasandy jolmen 4 ret qar kóshkini júrgizilip, 2430 tekshe metr qar tústi.
«Kóktem bastalǵaly beri «Qazseldenqorǵaý» ShQ fılıalynyń qyzmetkerleri 19 profılaktıkalyq kóshkin túsirý jumystaryn júrgizdi. Sonyń nátıjesinde, 25 040 tekshe metr qar túsirilgen», - deıdi fılıal basshysy Omar Dúzgimbaev.
Aıta keteıik, aımaq boıynsha kóshkin júrý qaýpi bar kezeń sáýir aıyna deıin sozylady.