ShQO-daǵy tasjol mańynda jasandy jolmen 3 ret qar kóshkini túsirildi

ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini túsirildi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, jıi qar jaýyp, qatty jel soǵýyna baılanysty «Óskemen-Taýly Úlbi - Severnoe» tasjolynyń mańynda qar kóp jınalyp, kóshkin júrý qaýpi týǵan.

«Sondyqtan «Qazseldenqorǵaý» ShQO fılıalynyń mamandary atalǵan ýchaskede jasandy jolmen 3 ret qar kóshkinin túsirdi. Nátıjesinde, 2160 tekshe metr qar túsirilgen. Kóshkin joldy jartylaı jaýyp tastady», - dep habarlady vedomstvo ókilderi.

Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.