ShQO-daǵy sharýa qojalyǵynda 600 tonna pishen órtendi

ÓSKEMEN. QazAqparat - Shyǵys Qazaqstan oblysy Aıagóz aýdanyndaǵy sharýa qojalyǵynda 600 tonna pishen órtendi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Tarlaýly aýylyndaǵy sharýa qojalyǵynyń aýmaǵynda órt shyqqan.

«Oqıǵa ornyna órt sóndirýshiler kelip jetken kezde 600 tonna shóp janyp jatty. Kóp uzamaı qutqarýshylar 540 sharshy metr aýmaqqa jaıylǵan tilsiz jaýdy aýyzdyqtady. Órtti óshirýge jeke quramnan 5 adam men 1 tehnıka jáne sharýa qojalyǵynan 12 jumysshy men 4 tehnıka jumyldyryldy», - dep habarlady vedomstvo ókilderi.

Osy rette, departament mamandary óńir jurtshylyǵyna órt qaýipsizdigi talaptaryn qatań saqtaý qajettigin eskertedi.