ShQO-daǵy ózenderde muz jarý jumystary júrgizildi
04:19, 02 Naýryz 2023
ÓSKEMEN. QazAqparat – Shyǵys Qazaqstan oblysyndaǵy ózenderde muz jarý jumystary júrgizildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, óńir boıynsha sý tasqynyna qarsy sharalar aıasynda ózenderde jarylys jumystary bastaldy.
Oblys boıynsha 4 aýdandaǵy 16 ýchaskede muz keptelýi múmkin. Olar Ertis, Úbe, Buqtyrma jáne Kúrshim ózenderinde ornalasqan. Naýryz aıynda barlyq ýchaskede profılaktıkalyq jumystar josparlanyp otyr.
«Búgin bul jumys Shemonaıha aýdanyndaǵy Úbe ózeninen bastaldy. Ol ózen Verh-Ýba, Ýbınka aýyldaryna, Shemonaıha qalasyna jáne Ýst-Talovka kentine qaýip tóndiredi. Verh-Ýba jáne Ýbınka aýyldary janyndaǵy ózende muz jarý jumystary júrgizildi. Munda ózendegi muz qalyńdyǵy 1 metrge deıin jetken. Usaqtaǵan muzdyń jalpy aýdany 19400 sharshy metrdi qurady», - delingen aqparatta.