ShQO-daǵy mys óndiretin kompanııa qyzmetkerleriniń 90 paıyzynan astamy vaktsına alǵan
Bul jaıly QazAqparat tilshisine KAZ Minerals Toby korporatıvtik baılanystar departamentiniń menedjeri Ermek Dúzkenev aıtyp berdi.
«Shyǵystústimet» JShS qyzmetkerleriniń 90%-ynan astamy ekpeniń birinshi komponentin saldyrǵan. Bul shamamen 6400 adam. Vaktsınanyń ekinshi komponentin alǵan jumysshylar sany – 3608. Bul eńbek ujymynyń 52%-yn qurap otyr. Sondaı-aq kompanııasynyń óndiristik alańdaryndaǵy merdigerlik uıymdardyń 2 myń qyzmetkeri ekpeniń birinshi komponentin , al 1 myńnan astamy ekinshi komponentin saldyryp úlgerdi», - deıdi ol.
«Shyǵytústimet» JShS - Qazaqstandaǵy iri mys óndirýshi KAZ Minerals Tobynyń quramyna kiretin kompanııa. Onyń óndirisi Shyǵys Qazaqstan oblysyndaǵy Glýbokoe, Shemonaıha jáne Borodýlıha aýdandarynda ornalasqan úsh shahta men eki ken baıytý fabrıkasynda júrgizedi. Seriktestiktiń quramynda birqatar qosalqy jáne kómekshi kásiporyndar da jumys isteıdi.
«Kompanııada maskalyq rejım men áleýmettik araqashyqtyq qatań saqtalýda. Sanıtarlyq-epıdemıologııalyq talaptardyń buzylmaýy únemi baqylaýǵa alynǵan. Eńbek ujymy arasynda vaktsına qajettiligi jaıly túsindirý jumystary júrgizilýde» - dedi Ermek Dúzkenev.