ShQO-daǵy medıtsınalyq mekemelerge JOO túlekteri kóptep tartylýda
ShQO ákimi baspasóz qyzmetiniń málimetine súıensek, búginde óńir boıynsha shekaralyq aýdandardaǵy perzenthanalardy zamanaýı jabdyqtarmen qamtamasyz etý boıynsha birqatar sharalar atqarylýda. Bul júkti áıelderdiń óz aýylynan alysqa barmaı-aq bosanýlary úshin ǵana emes, sondaı-aq der kezinde sapaly em alýlary úshin jasalýda.
«Qazirgi ýaqytta akýsherııa, gınekologııa jáne neonatologııa salasynyń 210 dárigeri qosymsha oqýdan ótti. Onyń ishinde 115-i akýsherlik jumysta kezdesetin qıyn jaǵdaılarǵa baılanysty qosymsha bilimderin jetildirdi. Biz Óskemendegi Ana men bala ortalyǵy men Semeıdegi perınataldyq ortalyqty shala týǵan balalarǵa arnalǵan kabınettermen jabdyqtadyq. Bul zamanaýı jabdyqtar salmaǵy 500 gramnan bastalatyn sábılerdi kútýge kóp kómek bolady. Bıyl oblystyń medıtsınalyq mekemelerine ózimizdiń ýnıversıtettiń túlekteri jumysqa bardy. Olardyń qatarynda 26 akýsher-gınekolog, 11 anestezıolog, 17 pedıatr jáne 6 neonatolog bar», - dedi aımaq basshysy Danıal Ahmetov.
Onyń aıtýynsha, Semeıdegi ıAdrolyq medıtsına jáne onkologııa ortalyǵynyń ashylýy medıtsına salasyndaǵy úlken jetistik.
«Jyl saıyn elimizdiń 4500 azamaty onkologııalyq aýrýdan emdelýdi qajet etedi. Endi olar joǵary tehnologııalyq biregeı medıtsınalyq jabdyqpen dıagnostıka jasatyp, emdele alady. Sondaı-aq COVID-19 vırýsyna qarsy vaktsına alý máselesi de nazardan tys qalmaýy tıis. Ásirese, qyzmet kórsetý salasynda jumys isteıtinder, eń aldymen qoǵamdyq tamaqtaný ortalyqtarynyń qyzmetkerleri men taksı júrgizýshileriniń vaktsına alǵany abzal. Sebebi olar kóptegen adamdarmen betpe-bet kezdesedi», - dedi oblys ákimi.