ShQO-daǵy Alakólde týrıstik maýsym qashan bastalady
ShQO Aımaqtyq kommýnıkatsııalar qyzmetinde ótken baspasóz brıfıngi barysynda oblystyq Týrızm jáne syrtqy baılanystar basqarmasy basshysynyń orynbasary Inara Bodýkova karantınge baılanysty týrısterdi qabyldaý birneshe kezeńge bólingenin aıtty. Kýrorttyq sanatorıı men emdeý-saýyqtyrý oryndary jumysyn 3 maýsymnan bastasa, týrızmniń basqa túrleri 6 maýsymda ashylmaq.
«Úrjar aýdanyndaǵy Alakól 13 maýsymnan bastap demalýshylardy qabyldaıdy. Osy rette respýblıkanyń, oblystyń bas memlekettik sanıtarlyq dárigeriniń buıryǵymen belgili bir normalar men talaptar bekitilgen. Bul talaptar bazalardyń jáne týrıstik agenttikterdiń barlyq ıelerine túsindirildi», - deıdi Inara Bodýkova.
Aıta ketý kerek, arnaıy qurylǵan jumys toby demalys oryndaryn aralap, ondaǵy daıyndyqty tekserdi. Basqarma basshysy orynbasarynyń aıtýynsha, oblys týrıstik maýsymǵa ázir otyr.