ShQO-daǵy 80 mektepte erekshe balalardyń bilim alýyna jaǵdaı jasalmaǵan
ShQO prokýrory Almat Baısholaqovtyń tóraǵalyǵymen ótken jınalysta erekshe bilim berýdi qajet etetin balalardyń quqyǵyn saqtaý máselesi qaraldy.
«Oblys boıynsha osyndaı 10 myńnan astam bala bar. Olarǵa bilim alýǵa basqalarmen teńdeı jaǵdaı jasalýy tıis, sondyqtan bul máseleniń mańyzy zor. Inklıýzıvti bilim alatyn balalardyń quqyqtarynyń saqtalýyn tekserý kezinde ýákiletti memlekettik organdar tarapynan birqatar buzýshylyqtarǵa jol berilgendigi anyqtaldy», - deıdi oblys prokýrory.
Júrgizilgen tekserý kórsetkendeı, oblysta túzetý kabınetteri, PMPK, beıimdelgen bilim berý mekemeleri jetispeıdi, arnaıy mektepke deıingi uıymdar da talaptarǵa sáıkes kelmeıdi jáne erekshe balalardy oqyta alatyn pedagogtardyń tapshylyǵy baıqalyp otyr.
«Mysaly, úsh túzetý kabınetiniń bolmaýy saldarynan 441 balaǵa qoldaý kórsetilmegen. 2016 jyldan bastap aımaqta estý qabileti nashar 5 jasqa deıingi balalarǵa arnalǵan toptar joq. Oblystaǵy 342 mekteptiń 80-de erekshe qajettilikteri bar balalardyń bilim alýyna jaǵdaı jasalmaǵan. Eki mektepte 49 qyzmetkerge osy sanattaǵy oqýshylarmen jumys istegeni úshin qosymsha aqy tólenbeı keldi», - deıdi A. Baısholaqov.
Atalǵan barlyq buzýshylyq boıynsha qadaǵalaý aktileri engizilgen. Otyrys sońynda ýákiletti organdarǵa birqatar usynys berildi.