ShQO-daǵy 60 myń eksponaty bar kórme sheteldikterdi qyzyqtyrady
El tarıhynyń jańa betterin ashatyn kórme álemdik ǵylymı qoǵamdastyqtyń úlken qyzyǵýshylyǵyn týdyrǵan. Ekspozıtsııa Qazaqstannyń mádenı murasyn nasıhattaý úshin qazir Londondaǵy Fıtsýılıam murajaıynda usynylǵan. Bul ShQO-daǵy arheologııalyq zertteýlerdiń óńirlik baǵdarlamasyn iske asyrýdyń arqasynda múmkin bolyp otyr.
«Birneshe nysandardaǵy qazba jumystaryna bizdiń belgili arheologtar ǵana emes, ejelgi saq dáýiriniń murasyna kýá bolýǵa nıettengen basqa elderdiń stýdentteri de qatysty. Tabylǵan zattar metaldardy óńdeý týraly bilimderi bar jáne teńdessiz zergerlik sheberlikke ıe bolǵan kóshpendiler órkenıeti deńgeıiniń óte joǵary bolǵandyǵyn ańǵartady», - dedi aımaq basshysy Danıal Ahmetov.
Onyń aıtýynsha, aldaǵy ýaqytta tarıh ǵylymdarynyń doktorlary Zeınolla Samashev pen Ábdesh Tóleýbaev 3 tomdyq «Shyǵys Qazaqstannyń ejelgi dáýiri» jáne «Qazaqstan tarıhy» monografııalaryn shyǵarady.