ShQO-daǵy 18 myńnan astam jer úıde órt qaýipsizdigi talaptary buzylǵan

ÓSKEMEN. QazAqparat - Shyǵys Qazaqstan oblysyndaǵy 18 myńnan astam jer úıde órt qaýipsizdigi talaptary buzylǵan, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, jylytý maýsymynda turǵyndardyń peshti nemese elektr quraldaryn paıdalaný kezinde qaýipsizdik erejelerin saqtamaýynan órt shyǵýy jıileıdi. Osyǵan oraı qutqarýshylar halyq arasynda túsindirý jumystaryn júrgizýde.

- Jurtshylyqty jylytý maýsymyna daıyndaý úshin 63000-nan astam jer úı tekserildi. Nátıjesinde, 18159 úıde órt qaýipsizdigi talaptarynyń buzylýy anyqtalǵan. Onyń ishindegi 3387 buzýshylyq birden sol jerde joıyldy, - dedi oblystyq TJD Memlekettik órt baqylaý basqarmasynyń bastyǵy Serik Amangeldın.

Osy jyldyń 9 aıynda aımaq boıynsha 1145 órt tirkelgen. Onyń ishinde 740-y turǵyn úı sektorynda boldy. Qyzyl jalyn 35 adamnyń ómirin qıyp ketken.