ShQO-daǵy júk kóliginiń jarylýynan taǵy 2 adam zardap shekken
Oqıǵa keshe Óskemen-Samar tasjolynyń 75-shaqyrymynda bolǵan. Taý-ken jumystaryna qajetti jarylǵysh zattardy tasyp kele jatqan VOLVO markaly júk kóligi jarylyp, ishtegi júrgizýshi men jolaýshy kóz jumǵan.
ShQO polıtsııa departamenti jarylystyń basqa zardaptary jaıly aqparat bermedi. Biraq kýágerlerdiń taratqan foto-vıdeolarynan taǵy birneshe kóliktiń zaqymdanǵany kórinip tur.
Osy rette, oblystyq Densaýlyq saqtaý basqarmasy jarylystan taǵy 2 adamnyń jaraqat alǵanyn habarlady.
«Júk kóligindegi jarylystan zaqym kelgen basqa kólikterde otyrǵan 2 adam jeńil dárejede jaraqattandy. Olardyń birin sol mańaıdan ótip bara jatqan kólikterdiń biri Óskemenge alyp ketti. Al ekinshisine dárigerler alǵashqy medıtsınalyq kómek kórsetti. Ekeýi de aýrýhanaǵa jatqyzýdy qajet etpedi», - delingen aqparatta.
Eske salsaq, osyǵan deıin Almatyda birneshe kóliktiń ústine aǵash qulaǵany habarlanǵan.