ShQO-daǵy jol jóndeý jumystarynan 400-den astam aqaý anyqtaldy

<p>ÓSKEMEN. KAZINFORM &ndash; Shyǵys Qazaqstan oblysyndaǵy jol jóndeý jumystarynan 428 aqaý anyqtaldy.</p>

Jol aktıvteri sapasynyń ulttyq ortalyǵy ShQO boıynsha fılıalynyń málimetine súıensek, jyl basynan beri óńirdegi jol jóndeý jumystaryna 777 tekserý júrgizilip, 428 aqaý anyqtalǵan. Onyń ishinde juqa asfalt, oıdym-oıdym ári shuńqyr joldar. Qazir 302 aqaý joıyldy.

- Mamandar respýblıkalyq mańyzy bar joldarǵa 315 ret tekserýge bardy. 1027 synama alynyp, onyń 15 paıyzy standarttarǵa sáıkes kelmeı shyqty. Merdigerler onyń 64 paıyzyn túzetti, - delingen aqparatta.

Sol úshin merdiger kompanııalar 280,4 mln teńge shyǵyndaǵan. Sonyń nátıjesinde 405 myń sharshy metr asfaltbeton jabyny qaıta jóndelip, jergilikti mańyzy bar joldarda 6 myń tekshe metrden astam ınertti materıaldar aýystyryldy.

Eske salsaq, osyǵan deıin elimizde jańadan salynatyn avtojoldar belgili bolǵany habarlanǵan.