ShQO-daǵy jer úılerde órt qaýipsizdigin buzýdyń 33 myńnan astam deregi anyqtaldy
ShQO tótenshe jaǵdaılar departamenti baspasóz qyzmetiniń málimetine súıensek, jylytý maýsymy bastalǵaly beri qutqarýshylar jeke turǵyn úılerdi aralap, tekserip júr. Ondaǵy maqsat – órt sanyn barynsha azaıtý, azamattardyń ómiri men múlkin qorǵaý.
«Úılerdi aralaý kezinde halyqqa nusqaýlyq berilip, pesh pen elektr qurylǵylaryn paıdalaný kezinde qarapaıym qaýipsizdik erejelerin saqtaý qajettigi eskertilýde. Jylytý maýsymy bastalǵaly beri barlyǵy 116 656 úı qamtyldy. Tekserý barysynda órt qaýipsizdigi talaptaryn buzýdyń 33 myńnan astam deregi anyqtaldy. Onyń ishindegi 14 100-i pesh jaǵýǵa qatysty boldy», - delingen aqparatta.
TJD qyzmetkerleriniń eskertýinen keıin turǵyndar 23 874-ten astam buzýshylyqty birden joıdy. Sondaı-aq azamattardyń ótinishi boıynsha 3011 pesh pen murja tekserildi.
Eske salsaq, osyǵan deıin Shyǵys Qazaqstan oblysynda muzdaǵy qaýipsizdik erejesin saqtamaǵan 13 balyqshy ákimshilik jaýapkershilikke tartylǵany habarlanǵan.