ShQO-daǵy jer úılerde 6 myńnan astam órt qaýipsizdigi erejesi buzylǵan
Jyl basynan beri óńir qutqarýshylary 28 000-nan astam jer úıdi aralap, tekserý júrgizdi. Sonyń barysynda órt qaýipsizdigi erejelerin buzýdyń 6000-nan astam faktisi tirkelgen.
ShQO TJD mamandarynyń ýaqytyly túsindirý jumystarynyń nátıjesinde turǵyndar 2000-nan astam buzýshylyqty joıdy. Úı ıelerine pesh jaǵý jáne elektr qurylǵylaryn paıdalaný kezindegi erejeler boıynsha nusqaýlyqtar berildi.
«Úılerdi aralaý kezinde ýly gazdy anyqtaıtyn datchıkterdi ornatyp jatyrmyz. Sońǵy jyldary oblys boıynsha 15 myńǵa jýyq osyndaı datchık ornatylǵan. Nátıjesinde datchıkter 42 adamnyń, onyń ishinde 32 balanyń ómirin saqtap qaldy», - deıdi departament bastyǵynyń orynbasary Serik Amangeldın.
Eske salsaq, osyǵan deıin ShQO-da jyl basynan beri túrli oqys oqıǵalardan 235 adam qutqarylǵany habarlanǵan.