ShQO-daǵy turaqtandyrý qorynda qandaı azyq-túlik bar, baǵasy qandaı

<p>ÓSKEMEN. KAZINFORM &ndash; Shyǵys Qazaqstan oblysyndaǵy turaqtandyrý qorynda azyq-túliktiń 7 túrin arzandatylǵan baǵamen satyp alýǵa bolady.</p>

ShQO Kásipkerlik jáne ındýstrııalyq-ınnovatsııalyq damý basqarmasynyń málimetine súıensek, óńir boıynsha «Ertis» áleýmettik-kásipkerlik korporatsııasy AQ turaqtandyrý qory arqyly azyq-túlik baǵasy rettelip otyrady.

«Bıyl qor kartop, sábiz, pııaz, qyryqqabat baǵasyn turaqtandyrý úshin «Agrofırma Prırechnoe» JShS-ne nesıe berdi. Ónimderdi ótkizý maýsymaralyq kezeńde 2024 jyldyń qarashasynan 2025 jyldyń mamyryna deıin bastalady. Sondaı-aq bakaleıa ónimderi baǵasyn turaqtandyrý úshin «Altaı» kóterme taratý ortalyǵyna nesıe berilgen», - delingen aqparatta.

Azyq-túlik jeńildetilgen baǵamen «Ertis» ÁKK saýda pavılondary jáne Óskemendegi dúkender jelisi arqyly satylady.

Baǵasyna qatysty aıtar bolsaq, qant kelisine - 437 teńge, rojkı kelisine – 285 teńge, qaraqumyq kelisine – 250 teńge, kúrish kelisine – 460 teńge, kúnbaǵys maıy lıtrine – 630 teńge, tuz kelisine – 70 teńge.